İkinci Qarabağ müharibəsi Azərbaycan dövlətinin tam Zəfəri ilə nəticələndi

İkinci Qarabağ müharibəsi Azərbaycan dövlətinin tam Zəfəri ilə nəticələndi.

2020-ci il dünyada bir sıra sosial problemlərlə yadda qalsa da, Azərbaycan tarixində Qarabağımızın erməni işğalından azad olunması ilə xatırlanır. Müzəffər Azərbaycan Ordusu ermənilərin 30 ildə apardıqları etnik təmizləmə siyasətinə, soydaşlarımıza qarşı törətdikləri vəhşiliklərə, haqsızlığa, zülmə 44 gündə son qoydu. Dövlətimizin münaqişəni danışıqlar vasitəsilə həllinə çalışmasını düşmən fərqli şəkildə yorumlayırdı. Şanlı Zəfərərimizə aparan yolun 44 gün çəkməsi ermənilərə Azərbaycanın əsl gücünü göstərdi. Üç ill əvvələ qayıdaraq müharibənin başladığı ilk günləri xatırladığımızda Müzəffər Ordumuzun əzmi, peşəkarlığı sayəsində hər gün geri qaytaqılan torpaqlarımızla bağlı xəbərlər bizləri qələbəyə daha da yaxınlaşdırırdı. Qısa müddətdə, yəni 4 oktyabrda Cəbrayılın, 17 oktyabrda Füzulinin, 20 oktyabrda Zəngilanın,  25 oktyabrda Qubadlının və 8 noyabrda Şuşanın işğaldan azad edilməsi bunun bariz göstəricisidir. Alınmaz qala sayılan Şuşamızın azadlığa qovuşması düşmənin məğlubiyyəti olmaqla yanaşı, dünya hərb elmində araşdırılan uğurumuzdur. Ermənistan hökuməti kapitulyasiya sənədinə 10 noyabrda imza atsa da, onların əsl məğlubiyyəti Şuşanın azad edilməsi günündən bəlli idi. Azərbaycan Respublikasının Prezidenti cənab İlham Əliyev noyabr ayının 10-u Türkiyədə Mustafa Kamal Atatürkün anım günü olduğunu nəzərə alaraq, Şuşa şəhərinin və onun işğaldan azad edilməsinin tarixi əhəmiyyət daşıdığı üçün – Zəfər Gününü hər il noyabrın 8-i təntənəli qeyd edilməsilə bağlı sərəncam imzaladı. Bu il Xankəndi şəhərində 8 noyabrda Vətən müharibəsində əldə edilən qələbənin üçüncü ildönümü ilə bağlı hərbi parad keçirildi. Ali Baş Komandan İlham Əliyev hərbiçilər qarşısında çıxış edərək bu tarixi hadisənin əhəmiyyətindən, xalqın döyüş əzmindən danışdı. Cənab Prezident 44 günlük Vətən müharibəsində Şuşa əməliyyatını dəyərləndirərkən alınmaz qala sayılan Şuşanı yüngül silahlarla, bir çox hallarda əlbəyaxa döyüşlər nəticəsində azad edilməsini hərbiçilərimizin peşəkarlığı və fədakarlığı sayəsində qazanıldığını bildirdi. Ali Baş Komandan İlham Əliyev torpaqlarımıza göz dikən düşmən qüvvələrə səslənərək bir daha bu sözlərlə mesaj verdi: “Biz istənilən müstəvidə döyüşə hazırıq, siyasi, lazım olarsa, hərbi meydanda bunu göstərmişik. XXI əsrdə heç bir ordu bizim qədər peşəkarlıq, fədakarlıq göstərməmişdir. Heç bir xalq öz doğma torpağını bu qədər əziz tutub uğrunda ölümə getməyə hazır olmamışdır”.

Nicat Mütəllimov

Saatlı Mərkəzi Rayon Xəstəxanasının əməkdaşı