Hərbi sənaye kompleksi

Hərbi sənaye kompleksi

Ötən əsrin sonlarında xarici havadarlarına arxalanaraq  Azərbaycana qarşı elan olunmamış müharibəyə başlayan Ermənistan ordumuzun yeni qurulmasını, texniki təminat bazasının zəif olmasını yaxşı bilirdi. Torpaqlarımızın 20%-nin itirilməsi ilə nəticələnən və 1994-cü ildə atəşkəs sazişi ilə başa çatan Birinci Qarabağ Müharibəsindən sonra hökumətimizin qarşısında duran əsas məqsəd ordu quruculuğunu surətləndirmək, orduda ciddi islahatlar həyata keçirmək, müdafiə, hərbi sənaye komplekslərinin yaradılması idi. Ulu öndər Heydər Əliyev Azərbaycan Silahlı Qüvvələrnin NATO standartlarına cavab verən səviyyəyə qalxması üçün ciddi islahatlar həyata keçirdi.  Qısa müddət ərzində hərbi hissələrin, ayrı-ayrı qoşun növlərinin formalaşdırılması tam başa çatdırıldı. Dövlətçiliyi və hərbi andı hər şeydən uca tutan, hərbçi olmağı şərəf bilən zabitlər hərbi hissələrin rəhbərliyinə cəlb olundular. Ordunun mərkəzləşdirilmiş  maddi-texniki təminatı əhəmiyyətli dərəcədə yaxşılaşdırıldı, maliyyə-təsrrüfat fəaliyyəti nizama salındı, şəxsi heyyətin mənəvi-psixoloji hazırlığı və döyüş ruhu yüksəldildi. Bəşəriyyətin tarixi təkamül prosesi göstərir ki, hər hansı xalqın milli-mənəvi irsini, mental-əxlaqi dəyərlərini, genetik yaddaşını, tarixi kimliyini, özünəməsusluğunu gələcək nəsillərə ötürmək, suverenliyini, müstəqilliyini qorumaq kimi çətin missiya bu xalqın taleyində müstəsna rol oynamış fenomen şəxsiyyətlərin fəaliyyəti ilə bağlıdır. Xalqımızın dünya siyasi arenasına bəxş etdiyi Ali Baş Komandan İlham Əliyev Azərbaycan Silahlı Qüvvələrini dünyanın ən güclü orduları sırasına qaldırmaq kimi çətin bir işi reallaşdırmışdır. Tarixdən məlumdur ki, ordu dövlətin suverenliyini, ərazi bütövlüyünü təmin etmək üçün əsas qüvvə olaraq dövlət quruculuğunun tərkib hissələrindən biridir. Məhz bu nökteyi-nəzərdən Ali Baş Komandan İlham Əliyev ölkəmizdə hərbi sənaye kompleksinin yaradılması və inkişaf etdirilməsi işini həyata keçirdi. Qısa müddət ərzində ordumuzun silah-sursat, texniki təminatı yerli istehsal gücünə həyata keçirildi. Azərbaycanın hərbi sənaye kompleksinin yaradılması ölkəmizin hərbi qüdrətini dəfələrlə artırdı. Ölkəmizdə müxtəlif növ hərbi texnikalar, pilotsuz uçuş aparatları, zirehli maşınlar, atıcı silahlar istehsal olunmaqla yanaşı xarici ölkələrə də ixrac olundu və dövlətimizin iqtisadi gücünə öz səmərəsini verdi. Bu gün dünyanın aparıcı beynəlxalq sərgilərində ölkəmizin hərbi məhsullarının nümayiş etdirilməsi hər birimizi qürurlandırır.  Azərbaycanda hərbi sənaye komplekslərinin yüksək surətlə inkişafı ordumuzun gücünə güc qatmaqla hər bir Azərbaycan vətəndaşına qürur, sevinc hissi yaşadır.

Əlvənd kənd H. Zərdabi adına tam orta məktəbin direktoru Elvin Xəlilov

Prezident İlham Əliyevin müharibə ilə bağlı nitqlərini və çıxışlarını bütün ölkə əhalisi təqdir etdi.

Prezident İlham Əliyevin İkinci Qarabağ müharibəsi dövründə etdiyi çıxışlar və nitqlər Azərbaycan xalqı tərəfindən böyük rəğbətlə qarşılandı. 2020-ci ilin sentyabrın 27-də başlanan bu müharibədə Azərbaycan Ordusu 44 gün ərzində böyük zəfərlər qazandı və işğal altındakı əraziləri azad etdi. Prezidentin bu dövrdə etdiyi çıxışlar xalqı səfərbər etməklə yanaşı, onlara mənəvi güc və inam verdi. Müharibə dövründə Prezident İlham Əliyev dəfələrlə xalqa müraciət etdi və hər dəfə çıxışları sosial şəbəkələrdə geniş yayılaraq dillər əzbərinə çevrildi. Onun nitqləri yalnız hərbi zəfərləri deyil, həm də tarixi ədalətin bərpa olunmasını vurğulayırdı. Məsələn, oktyabrın 4-də Cəbrayıl şəhərinin azad olunması ilə bağlı etdiyi çıxışda o, “Cəbrayıl bizimdir!” ifadəsi ilə xalqın qürur hissini artırdı. Eyni zamanda, oktyabrın 17-də Füzuli şəhərinin azad olunmasından sonra etdiyi çıxışda tarixi torpaqlarımıza qayıtmağın sevincini xalqla bölüşdü. Bu cür çıxışlar xalq arasında ruh yüksəkliyi yaratdı və hər kəsin Qarabağ uğrunda birləşməsinə səbəb oldu. Prezident Əliyevin ən yaddaqalan çıxışlarından biri isə noyabrın 8-də Şuşa şəhərinin azad olunmasından sonra oldu. “Şuşa azaddır! Şuşa bizimdir! Qarabağ Azərbaycandır!” ifadələri ilə etdiyi bu tarixi çıxış bütün ölkədə böyük coşğu yaratdı. Şuşanın azad edilməsi Azərbaycan xalqının və ordusunun mənəvi gücünü və qətiyyətini simvolizə edirdi. Onun bu çıxışları yalnız Azərbaycan daxilində deyil, beynəlxalq arenada da rezonans doğurdu və Azərbaycan Ordusunun əldə etdiyi uğurların əhəmiyyətini bir daha vurğuladı. Bundan əlavə, Prezident İlham Əliyev noyabrın 10-da Rusiya və Ermənistanla üçtərəfli bəyanatı imzalayaraq müharibəni qələbə ilə başa çatdırdı. Bəyanata əsasən, Azərbaycan ərazilərinin böyük bir hissəsi döyüşsüz geri qaytarıldı. Müharibənin sonunda Prezidentin xalqa müraciəti zamanı dediyi “Qarabağ bizimdir, Qarabağ Azərbaycandır!” ifadəsi milli birlik və qürur hissini daha da gücləndirdi. Beləliklə, Prezident İlham Əliyevin İkinci Qarabağ müharibəsi dövründə etdiyi çıxışlar və nitqlər Azərbaycan xalqı üçün böyük ümid və güvən mənbəyi oldu. Onun rəhbərliyi altında Azərbaycan Ordusu işğal altındakı torpaqları azad etdi və ərazi bütövlüyünü bərpa etdi. Bu nitqlər, xüsusilə Şuşanın azad olunması və üçtərəfli bəyanatın imzalanması ilə bağlı çıxışlar, xalqın yaddaşında əbədi yer tutaraq tarixi qələbəni simvollaşdırdı. Bu çıxışlar xalqın milli ruhunu və vətənpərvərliyini yüksəldərək hər kəsin qəlbində dərin iz buraxdı.

Kəmalə Xəlilli – Zərdab peşə liseyi ingilis dili müəllimi