Paşayeva Sumqayıtda bir qrup rəssamla görüşdü

Qanunla.az xəbər verir ki, görüşdə Sumqayıtdan olan rəssamlar İntiqam Ağayev, Namiq Cavad, Nəsibə Şükürova, Rəhim Həşimov, Aydın Əsgərov, ABAD-çı rəssam İqbal Həsənəlizadə iştirak edib.

İntiqam Ağayevin dəvəti qəbul edib, Sumqayıt rəssamları ilə görüşə gəldiyi üçün Komitə sədrinə təşəkkür edərək, Sumqayıtda yaşayıb-yaradan rəssamların sənət uğurları və qayğılarından söz açıb.

Görüş səmimi ortamda keçib, geniş fikir mübadiləsi aparılıb.

Komitə sədri rəssamların konkret problemləri, onların həlli və eyni zamanda mədəniyyətimizin inkişafı, onun beynəlxalq səviyyədə uğurlar qazanması haqqında düşüncələrini bölüşüb.

“Bu görüşün təşəbbüskarı İntiqam Ağayev rəssam olmaqla yanaşı I Qarabağ müharibəsi qazisidir və müharibə mövzusunda irihəcmli maraqlı əsərləri məni çox duyğulandırdı. Belə əsərlər gənclərimizin vətənpərvərlik tərbiyyəsində geniş istifadə oluna bilər”, – millət vəkili bildirib.

Rəssamlar səmimi görüş və fikir mübadiləsi üçün Komitə sədrinə təşəkkür edib.