Müharibə 1417 mülki şəxsin həyatına son qoyub

Ukraynada müharibə başlayandan indiyədək azı 1 417 mülki şəxs həlak olub.

Qafqazaz.com xəbər verir ki, bu barədə BMT İnsan Haqları üzrə Ali Komissarlığının məlumatında deyilir.

Belə ki, qurum Ukraynada 3 455 mülki itkini sənədləşdirib. Bu rəqəmdən 1 417 nəfər ölüb, 2 038 nəfər yaralanıb.

Qeyd olunur ki, mülki əhalinin əksəriyyətinin ölümü və ya xəsarət alması hallarının səbəbi ağır artilleriya, çoxsaylı reaktiv raket sistemlərindən atəşə tutulması, eləcə də böyük dağıntı sahəsinə malik partlayıcı qurğuların istifadəsi olub.