“Vətən” kubokunun qalibləri bəlli oldu – Fotolar

24.10.2023-cü il tarixində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə, Mil-Muğan Regional Təhsil İdarəsi Beyləqan rayon təhsil sektoru, Mil-Muğan Regional Gənclər və İdman İdarəsi Beyləqan rayonu üzrə Gənclər və İdman sektoru, Beyləqan rayon İcra Hakimiyyəti və Mil İntellektual Klubunun təşkilati dəstəyi ilə təşkilatımız tərəfindən icra edilən “Beyləqan məktəbliləri arasında “Vətən kuboku” layihəsi çərçivəsində Beyləqan Gənclər Evi SXM-in akt zalında “Vətən” kuboku – final təşkil edilmişdir.

Mrb.az xəbər verir ki, tədbiri giriş sözü ilə açan Beyləqan rayon icra hakimiyyəti başçısının müavini Yeganə Məmmədova iştirakçıları salamlamış və onlara uğurlar arzulamışdır. Mil-Muğan Regional Gənclər və İdman İdarəsi Beyləqan rayonu üzrə Gənclər və İdman sektorunun müdiri Sənan Quliyev intellectual yarışların xüsusi əhəmiyyəti vurğulamış, gənclərlə bağlı gələcək hədəflərdən danışmışdır.

Mil İntellektual Klubunun sədri Eyruz Pəsiyev də öz çıxışında yarışmaların əhəmiyyətini, asudə vaxtın səmərəli təşkilinin vacibliyini xüsusi qeyd etmişdir. İctimai birliyin sədri Mürsəl Behbudlu isə layihə, donor və digər məsələlər haqqında ətraflı məlumat vermişdir. Ümumilikdə 44 məktəbdən 264 nəfər məktəblinin qatıldığı layihənin finalında 16 komanda iştirak edirdi.

Final Xəmsə formatı üzrə təşkil edimişdir. 4 saat davam edin gərgin mübarizənin sonunda Dünyamalılar kənd 1 nömrəli tam orta məktəbinin “Piramida” komandası 1-ci, I Aşıqlı və II Aşıqlı kənd tam orta məktəbinin komandaları müvafiq olaraq 2-ci və 3-cü yerin sahibi olmuşlar. 4-cü yeri işə Şahsevən kənd 1 nömrəli tam orta məktəbinin “Gəraylar” komandası tutmuşdur.

Qaliblərə kubok, medal və diplomlar təqdim edilmişdir.
Qeyd edək ki, layihə 01.08.2023-cü il tarixlərini əhatə edir. Layihə çərçivəsində Beyləqan rayonu 5 zonaya bölünmüşdür. Hər zonada yerləşən məktəblilər yarışa cəlb edilmişdir. Hər zonadan ilk 3 yeri tutan komanda finala vəsiqə qazanmışdır.

Ən yaxşı 4-cü yerin sahibi olaraq 4-cü yeri işə Şahsevən kənd 1 nömrəli tam orta məktəbinin “Gəraylar” komandası da finalçılar arasına düşməyi bacarmışdır.