Ərazi partiya təşkilatlarında hesabat-seçki yığıncaqları davam edir

Yeni Azərbaycan Partiyası Zərdab Rayon təşkilatı tərəfindən hazırlanmış qrafikə uyğun olaraq rayonumuzun Mərkəzi Xəstəxana, Gigiyena və Epidemiologiya mərkəzi, Qaz Xidmət Sahəsi, Şəhər Bələdiyyəsi, Gödəkqobu, Dəliquşçu, Qaravəlli, Körpükənd, Məlikli, Pərvanlı, Qoruqbağı, Sarıqaya, Otmanoba, Əlvənd, Şahhüseynli, Yuxarı Seyidlər və Bıçaqçı kəndləri ərazi partiya təşkilatlarında hesabat-seçki yığıncaqlarını keçirib.

Yığıncaqlarda ilk öncə Ulu Öndər Heydər Əliyevin və ölkəmizin ərazi bütövlüyü uğrunda canından keçən şəhidlərimizin əziz xatirəsinın bir dəqiqəlik sükutla yad edilib.

Hesabat-seçki yığıncaqlarında YAP Zərdab Rayon təşkilatının sədri İlkin Əliyev çıxış edərək, müstəqil Azərbaycanın banisi Ulu Öndər Heydər Əliyevin xalqımızın rifahı, dövlətimizin qüdrətlənməsi naminə göstərdiyi əvəzsiz xidmətlərdən, dahi şəxsiyyətin layiqli davamçısı, müzəffər Ali Baş Komandanımız cənab İlham Əliyevin rəhbərliyi ilə bu gün həyata keçirilən uğurlu daxili və xarici siyasətdən bəhs edib.

Gündəliyə uyğun olaraq ərazi partiya təşkilatları sədrlərinin ötən dövr ərzindəki fəaliyyətləri barədə hesabat məruzələrinin dinlənilməsi və yeni sədr, sədr müavinlərinin seçilməsi məsələlərinə baxılıb.

YAP Zərdab Rayon təşkilatının sədri İlkin Əliyev yeni seçilən ərazi partiya təşkilatlarının sədr və sədr müavinlərinə fəaliyyətlərinin partiyamızın proqram və nizamnaməsinin tələblərinə uyğun qurulması istiqamətində tapşırıq və tövsiyələrini verərək fəaliyyətlərində uğurlar arzulayıb.