Zərdabda 2002-ci ilin məzunları 20 ildən sonra bir araya gəldilər FOTO/VİDEO

Bu, təkcə köhnə məktəb dostlarını görmək deyil, həm də uşaqlıq atmosferinə qərq olmaq imkanıdır.

Qanunla.Az xəbər verir ki, Zərdab rayon Gəlmə kənd Mirzə Fətəli Axundov adına məktəbin 2002-ci il məzunu olmuş şagirdləri 20 ildən sonra bir araya gəliblər.

Tədbir iştirakçıları əvvəlcə Şəhidlər xiyabanını,Gəlmə kəndində Şəhidlərin xatirəsinə ucaldılmış xatirə abidəsini,sinif rəhbərləri Həsən İsmayılovu və dünyasını dəyişmiş sinif yoldaşlarının məzarlarını ziyarət etmiş önünə gül dəstələri düzmüşlər.

Daha sonra iştirakçılar oxuduqları Mirzə Fətəli Axundov adına məktəbdə olmuş müəllim kollektivi ilə görüşmüş,məktəb xatirələrini bölüşmüşlər. Müəllimlərlə görüşən 2002-ci ilin məzunları müstəqil həyata qədəm qoyduqdan sonra həyatlarında baş verən xoş günlərini paylaşıblar.

O,cümlədən müəllimlər onlara göstərilən diqqətə görə, məzunlara təşəkkür ediblər.

Tədbir iştirakçıları sonra müəllim kollektivi ilə birlikdə “Kür” Şadlıq sarayında bir araya gəlib masa arxasına əyləşiblər.

Sonda xatirə fotosu çəkilib.